الملفاي روعة وسهل التحضير 2011

الحلويات,

{[['']]}

السلام عليكم ورحمة الله وبركاتة

كنت نزلت لكم ميلفوي قبل من هادي ولكن مكنتش مقتانعا بيها بزاف
ميلفوي وشكل اخر بالعقدة ديال لوز
هي جات زوينةوالي داقها تتعجبو ولكن انا كنت باغاها بحال ديال المغلاب نييييت

بقيا كنقلب ونبحت من هنا ومن لهيه

وفي الاخير درتها وصدقت زوينة
والله مكرهت تدوقوها لان الي ماعافش في المداق اتقولي ديال الباتيسري

انا كنت مرونة بزاف ماصورتش لكم بالتفصيل ولكن را التقنية بحال ديال الاولى الفرق غير في الطياب وبدلت في الكريم باتيسيير والكلاصاج

اتاخدي العجينة المورقة الي نزلت لكم طريقتها هنا 
العجينة المورقة بروفيسونيل

اتتقبيها كيف الاولى نيت 

الفرق انك من ادخليها خاصك تحطي عليها شي حاجا باش متنفخش ليك
باش تجي مكرملة
ها شنو درت انا

وتدخليها للفران تا تطيب تقريبا 15mn من بعد اتحيدي عليها الحاجا الي متقلا عليها وترديها تتحمر
من اتخرجيها اتلقايها مكرملة 
ورقيقة بحال هادي

هاهي الي كنت درت في الاولى

الكريم باتيسيير درت هاد المرة هاد المقادير

750ml حليب
180g سنيدة
3اصفر البيض
70g دقيق
4gمايزينا
فاني او قشور حامض الي بغيتي

الطريقة

تتزيدي الحليب ونتي تتطربي تا يتخلط كلشي

عاد ديريه على العافيا ونتي تتحركي تا تعقاد

نت بعد اديري كيف الطريقة الي درت في الاولى
تتدهني قطعة بالكريم باتيسيير
تاتحطي عليها التانيا وتاني الكريم باتيسيير
تم التالتا
تتديري عليها الكلاصاش

مصورتس لكم الطريقة

المهم اتشدي السكر كلاصي متلا جوج كيسان وتزيدي عليهم بمعلقة الما ونتي تتحركي بالطراب تا تولي ليك ماهي عاقدا ماهي جاريا
ملقيتش شي مقادير محددين المهم عينك ميزانك
وزيدي فاني الى بغيتي

وتتدهني بيها الفوق ديال الميلفوي

ودخليها للتلاجة تا تنشف شوية وخرجيها تزوقيها بالشكلاط

انحاول نصورهم لكم مرة اخرى

كديري خطوطة طوال ياك

وملي تجي ديري بالعود ديال السنان مرة ديه ومرة جيبيه

الي مفهماتش را اننزل لكم حيت انعاودها راها لا تقاوم

انا بيتها في التلاجة